何紫綸捉o靚模培訓
張栢芝弟弟張豪龍前模特兒女友何紫綸（Ann）、「中國小姐」趙哲妤、模特兒譚晴，昨日出席模特兒比賽集訓日，Ann更擔任catwalk導師，與參賽者分享心得。她坦言覺得時下o靚模不知專業操守：「我哋着see through衫一定會打底，同唔可以露毛髮。呢個唔係賣點，唔係性感就可以紅。如果出去casting，可能佢哋去做有三級成分嘅工作，多於專業模特兒。（要捉邊個o靚模去再培訓？）好多。書展有一大班，都分唔到邊個打邊個。」
對於有指栢芝養鬼仔嚇謝家一事，她力撐說：「佢唔會去害人，佢入行後成日都畀人寫衰。」另外，她表示為癌病基金所拍的寫真將於九月尾推出，並澄清：「上次我可能講快咗，話我媽媽有cancer，係其實係我大家姐，我媽媽好健康！」