Alice B.通宵不眠 憂父母安危
英泰混血模Alice B.愛家心切，一直密切注視倫敦暴動的最新發展，對於當地年輕人搞事及偷竊感到失望及憤怒，直言嬲到想燒毀其持有的英國護照，直指英國人這些行為實在愚蠢！
Alice昨日出席活動時示範新裝，期間以大deep V連身裙示人時，露出胸前的蝴蝶紋身及防走光膠紙，她即轉身整理並神態自若的繼續行騷。事後Alice指該膠紙不夠黐力，故整理時想搣甩膠紙免成焦點。笑言有多次走光經驗的Alice，說曾被大風吹起上衣露bra外，有次於大學時裝展行騷時，要示範一襲只以粗帶遮掩胸前的服裝，「設計真係大膽特別，好少布，行騷時當然會郁，我諗有人或者會見到。不過我唔介意，因為係大學騷，大家主要係留意個設計。」
斥搞事者好愚蠢
Alice表示有留意倫敦暴動的新聞，有時更看新聞看至清晨六時，通宵不眠，對於年輕人在暴動中偷竊搞事，她說：「真係覺得好恐怖同好嬲，我身為英國人，對於呢班年輕人造成咁大破壞，覺得好失望，我真係嬲到幾乎想燒咗本英國護照！」
Alice續說因暴動地點跟其父母家的車程只有五分鐘，父母雖報平安說冇事，但亦想他們來港暫避。「不過爸爸話一有事會即刻揸車走，（父母有槍自衞？）冇，媽咪好強壯，爸爸又有成袋棒球棍！（影響倫敦奧運？）倫敦係大城市，好多奧運設施仲起緊，依家美國有經濟危機，啲英國人咁做真係好stupid！」她續說因嫌遠及貴，不會返倫敦看奧運。
陳嘉容教授儀態
另外，同場即席教襯衫的陳嘉容，表示現常返上海及北京，為內地的企業教授儀態及談吐，至於有否富二代或企業的高層追求？她即搞爛gag說：「冇咁多褲（富二代）着，未見過，做完嘢都好攰，工作時九成都係女人，急唔嚟，放鬆啲、隨緣啦！」
文：名人組