阿旦口才掂爭做主播
「E Cup教主」鄧伊玲（阿旦）恃着口才伶俐，參加收費電視台的娛樂主播大賽，曾擔任鬼古節目的主持及多場商場騷司儀，令她信心十足：「我仲做過陳奕迅音樂會同側田簽唱會嘅司儀，覺得自己有呢個天分，想再喺呢方面發展。」談到「o靚模狀元」蔡瑩瑩（Ivy）亦有份參加比賽，問兩女會否因爭冠軍而不和？阿旦說：「唔會啦！我哋唔同組別，佢主攻英文，我就係廣東話組別，唔係直接競爭，最犀利係我哋公司兩個女仔已經包辦咗中英文兩個組別。」她表示任主持的男友黎國輝（阿感）對她參賽大表支持，問阿旦可有向男友偷師？她說：「唔多唔少佢都有畀貼士嘅。」
