小肥畀女讚可愛好過冇
歌手小肥（徐智勇）在新片《戀夏戀夏戀戀下》中，飾演一名隱形富豪，日常生活不受女士歡迎但卻對劉羽琦情有獨鍾。問到現實中他是否同樣不獲異性歡心？他無奈地說：「唔係o架，新結識嘅異性大部分都話我可愛，但唔係有發展嗰啲囉。其實有人讚都幾好，最少唔係第一眼就畀人拒絕先吖！」
問到對劉羽琦的感覺，他直言事前並不認識對方，但合作過後感到對方很爽朗和熱情，他說：「我都有盡地主之誼帶佢喺香港食飯，我覺得佢份人好玩得、好爽，有時仲搭住膊頭講嘢，十足兩兄弟，好熱情！」身為歌手的他在過往的電影作品都是「群戲」為主，今次則與方力申、敖犬擔正，小肥說：「發揮多咗好多，好多謝黃柏高畀機會我，之後亦會把握電影上每個機會。」