黃榕地平線起跳
擁有33Ｃ豐滿上圍的性感女星黃榕（Gloria），本身有舞蹈底子，柔韌度極佳。日前她身穿運動型Bra Top學跳韓國舞時，即場示範近乎「Ｃ奶掂地」的熱身動作，將深長的「事業線」跟地平線連成一體，果然舞得「胸」狠﹗
今年有份參與寫真性感戰的黃榕，本身是個「舞林高手」，平時愛跳Hip Hop及Jazz等舞蹈，Gloria最近迷上跳韓舞，並專誠跟曾在韓國習舞的排舞師Anfernee上堂，她說：「我覺得韓國跳舞組合跳得好型好流暢，佢哋身形又fit，可惜我冇時間去韓國學，難得喺香港有人教，梗係想快啲學識。」
誓做跳唱歌手
習舞期間，Gloria先拉筋做一字馬熱身，當她坐在地上擘大雙腿，整個人俯身傾前時幾乎「C奶掂地」，深長的「事業線」跟地平線連成一體，令人眼前一亮，Gloria直言自小柔韌度不錯，當然表現得駕輕就熟。
立志當跳舞歌手的Gloria表示，已購買大量性感舞衣作準備，問到是否已打晒底？她說：「好多都係緊身衫，唔會走光嘅，但都會做足安全措施。（屋企練舞？）唔會啦，冇地方又冇大鏡，最多都係喺屋企拉筋。」Gloria又自言平時十分饞嘴：「我好鍾意食嘢，但好彩唔易肥，算係得天獨厚。」
採訪：專案組 攝影：黎志輝
場地：neverland Dance House