李詩韻嫌油膩唔吼德國腸
無綫藝人李詩韻早前到德國拍攝旅遊特輯，難得遠赴當地，當然要歎「德國三寶」鹹豬手、香腸和啤酒，不過伊人卻嫌美食太油膩，自言最愛都係中菜。而向來不喜歡喝啤酒的她邊飲邊拍不自覺愈飲愈多，有點醉意搞到頭暈暈。
李詩韻早前遠赴德國拍攝旅遊特輯，德國三寶要數鹹豬手、香腸和啤酒，本來不喜歡飲酒的李詩韻也得試試：「德國啤酒幾好味，我唔鍾意飲啤酒但都覺得OK，但係酒精都幾高，拍嘢唔覺飲吓飲吓都有啲暈暈哋，又食咗好多豬手、香腸，都肥咗，始終係中國人，都係中國菜清清哋先啱我！」
簡單愛更珍貴
今次德國之旅，李詩韻一共逗留了12日，但卻未有艷遇發生，她笑說：「冇喎，德國都冇靚仔，其實係我比較傳統，都係中國人先啱我。」雖然在德國冇艷遇，但此行卻令李詩韻改變愛情觀，她說：「團友之中有對夫婦，佢哋好簡單，由初戀拍拖到結婚都好Sweet，睇見佢哋令我覺得愛情原來可以好簡單，將來搵對象都會朝住呢個目標。」
望港善用能源
至於「高大霍啟山」又是不是那杯茶？李詩韻謂：「佢只係我一個好朋友，仲未有想要嘅感覺，佢係好男人、好條件，但唔係我杯茶。」德國是先進環保城市，當地不斷發展太陽能、風電、租借單車亦在街頭隨處可見，她說：「希望香港都可以參考吓德國，嘗試用多啲太陽能、風電呢啲乾淨能源。」
採訪：影視組