Jeana Hidy擺明寸你
o靚模何佩瑜（Jeana）及余曉彤（Hidy）牙尖嘴利，短短日子得罪不少人！兩女齊齊手執人字拖，莫非要打小人？Jeana說：「我先唔會喺人哋背後做呢啲嘢！」Hidy亦力撐Jeana直腸直肚，於公開場合有嗰句講嗰句，絕不會背後搞是非。
Jeana及Hidy近日經常手執人字拖，原來獲商場邀請參與「拖鞋乒乓球大賽」，這個來自日本的搞笑玩意正式殺入香港。兩女日前以小背心熱褲造型率先試玩，她們拿起拖鞋就笑個不停。
相處才了解性情
提到早前Jeana寸嘴兼「峰」芒太露而犯眾憎，問她會否借機會用拖鞋打小人？Jeana說：「我先唔會做呢啲嘢！我唔覺得係得罪人，只係有嗰句講嗰句，大家都係新人，如果咁少事就受傷害，以後條路仲點行呀？當係一個訓練囉！」Hidy則認為Jeana只是直腸直肚，相處過才了解她真性情。Hidy說：「整唔整容唔需要其他人去講，觀眾自己有眼睇，希望唔好理人哋咁多嘢，做掂自己先啦！」
兩女受訪後試玩「拖鞋乒乓球」，Jeana經常飛拖中空寶，大呼難控制。工作人員向她發球，但她次次都接不住，惟有向她一次過掟幾十個波。
拖鞋打波好好笑
Jeana說：「放馬過嚟啦！總有一個會接得到！」運動型的Hidy則一於少理，不停拿着拖鞋「的」波練習，Hidy說：「以前有玩過乒乓波，不過唔算叻，不過用拖鞋打個感覺好夏天。去沙灘冇嘢做，除對拖鞋出嚟打波都幾好笑！」採訪：卓藍
場地：荷里活廣場