黎耀祥有信心三奪視帝
謝天華於《潛行狙擊》中的Laughing哥一角被視為是「視帝」大熱門人馬，不過據知今年台慶劇之一乃獲兩年視帝寶座黎耀祥主演的《法證先鋒3》，記者昨日致電給祥仔，他不諱言對此劇及成為三連冠「視帝」亦相當有信心，說到年年都由他的劇做台慶劇，向來有收視保證的祥仔笑謂：「都係咁啦！都要睇吓套劇出嚟成績點，不過唔係賣花讚花香，《法證》題材一向有追看性，（有冇信心再奪視帝？）當然有。」
面對今年勁敵謝天華，祥仔坦言天華當然不可忽視，但自己都睇好「LAW霸」鄭嘉穎於《怒火街頭》及黃宗澤於《潛》劇的演出，他謂：「黃宗澤今次角色好特別，佢哋分分鐘都好有機會！」而謝天華對於遇到勁敵祥仔，坦言亦沒打擊信心：「每個演員對自己作品有信心好正常，祥仔不嬲拍劇認真，我對自己作品都好有信心，不過依家仲係言之尚早。」
