鄭希怡趙彤嘆可惜
曾與吳浩康（Deep）傳緋聞的鄭希怡，得知Deep與莊思敏分手後驚訝說：「堅定流呀？講吓咋啩？（認咗分手！）我真係唔知喎，不過若然係真，就真係好可惜，話晒咁多年。」而Deep舊愛胡定欣則拒談二人分手：「因為我唔係當事人，所以唔想評論太多。（同Deep聯絡？）好少嘞。（傳他濫藥）希望只係炒作嘅新聞，其他唔想講太多。」
至於曾與莊思敏合作電影的台模趙彤，對兩人分手亦大感震驚，她說：「係咪真o架？咁爆？上星期我同佢喺孟瑤婚禮上都冇察覺有異樣，好驚訝亦好可惜。（同莊思敏合作時傾感情事？）都有。」而孟瑤聞後驚訝說：「我唔知佢哋分手，之前莊思敏都有嚟我婚宴，不過唔覺佢有唔開心，好可惜，佢哋都拍咗拖一段日子，其實我冇同佢哋一齊食過飯，只係分別見過，我同吳浩康都唔太熟。」
