莊思敏撐吳浩康冇濫藥
吳浩康（Deep）與莊思敏五年「姊弟戀」宣告玩完，有指分手元兇是阿Deep再度濫藥！昨日Deep強調絕無濫藥此事，竟遭周刊借分手來「按住砌」。二人雖然分手，惟莊思敏亦在微博力撐Deep為人，指分手原因全因性格不合。
Deep和莊思敏被周刊踢爆分手，直斥五年情決裂起因是莊思敏難忍Deep再次沉迷藥物及溝女。昨日記者致電Deep了解，對於被指濫藥，他即言：「呢個係絕對、絕對、絕對唔係，我冇濫藥！」他謂與莊思敏已分手一個月，只是一直商量如何向外交代。不公開是他還努力箍煲？Deep謂：「一個人做錯嘢去挽救戀情就係箍煲，但我哋係因為發覺相處咁多年，溝通出現咗嚴重問題，大家思想同價值觀唔一致，係性格不合而分手。」
「有人想我哋分手」
被周刊寫他濫藥，Deep承認令他很困擾，更對他現職的保險工作形象受損，Deep表示該名周刊記者只是問莊思敏的分手原因，但並非問她是因濫藥而分手，完全是將問題扭曲及創作答案。Deep又否認背着莊思敏溝女：「大家識莊思敏都知佢乜性格，佢咁敢言，如果係嘅一定講出嚟，我知有人想我哋分手，我依家心情好差，畀人按住嚟砌，講乜都冇用。」
其經理人霍汶希（Mani）在電話中表示，相信Deep經過上次的大教訓後不會重蹈覆轍斷送自己前程，並會為Deep向周刊保留法律追究權利。
思明思華懵然不知
至於身在北京工作的莊思敏仍不忘維護舊愛聲譽，在微博留言力撐Deep為人。不過，她對分手一事收得很密，就連母親及同住孖妹莊思明及莊思華亦全然不知情。莊母受訪時語帶驚訝謂：「我只係從朋友口中知道個女剪咗好短嘅頭髮，亦只知佢北京、香港兩邊飛拍戲好忙。」
孖妹則指是收到記者電話才知家姐分手，她們說：「家姐一路都冇咩異樣，佢好少將感情事掛喺口邊。」談到對吳浩康印象，二人則不願多談。
文：音樂組