栢芝忠於自己一生無悔

飽受婚變困擾的張栢芝，早前到了米蘭為now台拍攝《Lifetival - Cinderella's Story》，表示由入行至今已感滿足，一生無悔，若退出也是上天賜她的一份好禮。她感慨說：「娛樂圈真心朋友好難求，我忠於自己，唔討好全世界，有嗰句講嗰句！」她又表示生育前很任性：「生了兩個孩子，我要負責任。大家都知我喺娛樂圈過嘅生活一啲都唔簡單，但我唔在乎，身為媽媽，應該做好榜樣畀佢哋睇。等囝囝大個啲我會解釋畀佢哋聽，就算遇到挫折，只要肯去面對，都可以爭取自己的生命和目標，唔好輕易畀人打敗！」