Amanda S.期待皇室婚禮
準新娘Amanda S.前晚穿上華麗高貴的婚紗及戴上閃爍耀眼的鑽飾，為婚紗珠寶騷行壓軸，像是預演自己的婚禮，Amanda一臉甜蜜地表示：「我理想嘅婚禮就好似一場皇室婚禮咁，希望到時可以做到盡善盡美。」
而當晚擔任司儀的楊洛婷則穿上一襲tube dress晚裝谷胸上陣，問到她是否想跟一班o靚模鬥過，她說：「我都唔係𡃁，冇得同佢哋揮。為咗着呢件晚裝，我今日淨係食咗一件好薄嘅三文治咋，頭先要兩個dresser幫我手先着到，我依家都抖唔到氣。（性感收多啲錢？）我冇諗過呢樣嘢，最緊要靚，唔想成件事好似好向錢看咁。」問到她何時跟拍拖五年多的男友拉埋天窗？她說：「師傅話我兩年後先會結婚，或者會有咗BB先結，不過我自己就介意做未婚媽媽。」
