薛凱琪嫌祖藍頂住唔好咀
「福祿壽」王祖藍、阮兆祥、李思捷平日扮嘢甚為辛苦，今次三子在首部「福祿壽」電影中終得到「回報」，就是得到分別跟薛凱琪、盧覓雪及高海寧拍咀戲，其中祖藍被薛凱琪投訴其「大鼻」阻礙拍攝。
祖藍、祥仔、思捷聯同張可頤、陳美詩、沈卓盈昨到旺角為電影《勁抽福祿壽》宣傳，在商店內與顧客玩遊戲，談到三人在戲中分別有咀戲，其中李思捷咀「宅男女神」高海寧，最令人羨慕，祖藍則咀女主角薛凱琪，至於阮兆祥則咀其「孖生妹妹」盧覓雪，祥仔笑言他全程沒動過，並形容那是「摧毀之吻」。
獲讚演技進步
此外，曾志偉和薛凱琪（Fiona）再度合作，志偉大讚Fiona演技大進步，更有周潤發影子，話喊就喊。Fiona談到戲中和祖藍有接吻戲，志偉即取笑她說：「又係大鼻仔！」Fiona坦言：「第一次拍接吻戲係《早熟》同房祖名，爾冬陞同我講驚咩呀，錫多幾次真係冇咁驚。（祖藍好唔好咀？）冇乜感覺，第一個感覺係佢個鼻頂住囉！我嗰陣唔係享受緊佢個嘴，如果唔係好似我鹹濕緊佢咁。」Fiona曾奪越南影后，獲獎後坦言沒有加片酬：「攞獎係一個獎勵，但功勞唔係全部喺我度，亦都唔會覺得自己升咗呢。」
文：影視組