阿Sa恨見陳偉霆鬆一鬆
Twins昨日現身新碟簽唱會，獲英皇頒發雙白金唱片祝賀，蔡卓妍（阿Sa）表示在內地搞簽唱會每場簽二千個名，搞到手指麻痹肩膊痠軟。問男友陳偉霆（William）有冇幫她按摩？沉醉愛河的阿Sa靦覥說：「未有機會見，得啦，我有分數！」
Twins為紀念10周年推出國語碟《3650》，阿Sa和阿嬌昨日出席簽唱會，吸引逾四百歌迷逼爆商場。阿Sa說：「好開心，之前去咗好多內地簽唱會，每場簽咗二千個名，簽到手指麻痹同膊頭好痠，但歌迷真金白銀買碟，點都要簽晒。」問有冇叫男友William按摩？阿Sa笑說：「我啱啱返香港，未有機會見，得啦，我有分數。」
阿嬌唔需要拍拖
由於新碟在香港有逾六萬銷量，Twins獲英皇高層霍汶希（Mani）頒發雙白金唱片獎勵。Mani指國語碟很難有此好成績，第一日推出賣斷市之餘，更炒到七百多元，故公司加了三倍價錢通宵加印，寧願賺少些也不想有炒賣。她又透露公司會送假期兼兩張商務客位機票給Twins慰勞。問阿Sa會否叫公司送多張機票給William？她謂：「叫佢自己買！」
前日七夕，阿Sa和William被踢爆在微博傳情，她扮傻說：「係咩？唔係呀！」問阿嬌會否努力搵男友？她說：「我唔羨慕，唔好因為人哋拍拖、結婚，就覺得我都有需要。」此外，阿Sa將於月尾代表電影《白蛇傳說》出席威尼斯影展，她說：「我要預備戰衣，費事失禮人，只會露背唔會低胸。」
文：音樂組