Carol酒吧送吻連環剝
「浸大E神」楊梓瑤（Carol）前晚做酒吧騷公然脫衣晒E Cup，令全場熱血沸騰！對於o靚模Jeana（何佩瑜）口出狂言辣興全行，Carol擺明不想加入戰團，但不忘教訓對方要在這行「Last得耐」應靠才藝，更力撐Hidy（余曉彤）一定冇整容，但對於發誓冇整容的Jeana，Carol卻說：「我唔識得分！」
前晚Carol現身大埔某酒吧出席啤酒活動時大玩噱頭，出場時一手撕開白色背心，展露打底的黑色低胸衫，盡展E Cup「峰騷」，令現場的酒客即叫囂又叫好。Carol為滿足傳媒連環拍攝其脫衣過程，更徇眾要求「安哥」再脫。之後，Carol和客人大玩遊戲時更送上「香吻卡」及並肩合照，表現熱情。
自言怕被抽水的Carol，幸好未試過開工時遭博懵，即使穿得性感，下台時也有披肩護身。Carol笑言其啤酒酒量麻麻，紅酒會較好，問她會否怕酒後亂性？她尷尬說：「我同啲信得過嘅朋友去飲，一開始會好hyper，跟住冇晒精力，一醉就會瞓着，有次啲朋友等我瞓醒先走！（瞓咗畀人抽水都唔知？）係信得過嘅朋友。」
靠才藝站穩娛圈
對於o靚模Jeana和Hidy早前發誓冇整容，Carol卻說：「我肯定Hidy冇整過，因為好耐之前識佢。（Jeana有冇整？）我唔識分有冇整。呢啲疑似整容新聞真係要停一停，實在太多。（Jeana四處攻擊同行？）我唔識佢，但如果係我，我會以行動證明自己得，如果要有咁多口舌之爭，我寧願喺talent方面諗吓點last得耐。（叫佢收口？）佢冇辣興我，我唔想加入戰團！」
文：名人組