吳若希母校表演 緊張失眠
歌手吳若希（Jinny）日前獲母校廖寶珊紀念書院邀請表演，難得以師姐身份返回母校，Jinny事前都大叫緊張，搞到前一晚驚到失眠，一邊唱一邊腳震震，她說：「雖然只係離開咗學校兩年，但係今次身份唔同咗，以歌手身份返母校，感覺好得意，好彩師弟、師妹反應好好，我先鬆咗口氣。」
除了表演外，Jinny借機會探望以前的老師，又周圍參觀校舍緬懷一番，更在班房、小賣部等等地方一一拍照留念，她說：「真係好懷念以前讀書嘅生活，無憂無慮咁，今次返嚟得到師弟妹支持，好似充滿力量咁，希望繼續努力向歌手夢想進發，做個好榜樣畀大家睇！」
