Alice B.泰國買樓 安頓退休父
混血女模Alice B.與日模松岡李那（Linah）昨日出席新太陽廣場舉行的《新地航天太空紀念收藏品展》，近期工作不斷的Alice雖未儲夠錢在港置業，但將在泰國榮升業主，她說：「我爸爸想喺泰國退休，諗住喺當地買樓，佢仲話物業會寫我個名，所以我都會幫手畀錢。我答應咗佢明年會畀三萬英鎊（約39萬港元）。」問到有否興趣在港置業時？她坦言香港樓巿太貴，惟有待樓巿下跌或自己人工上漲，才買樓有望。
至於Linah日前以熱褲獻唱時，不慎走光露底，她直言不知情：「Oh My God！我除咗工作，平時好少着咁短嘅褲，今次係我嘅錯失，以後我會更小心。（以前有冇試過走光？）有次戴住Nude Bra做嘢，因為好熱，流咗好多汗，令Nude Bra下滑，我即時用手托住，有驚無險。」