李詩韻狂讚男伴 認定即結婚
李詩韻之前被本報影到與「高大版霍啟山」於夜店又攬又錫，狀甚親密，昨日她出席活動時甜笑表示對方只是朋友，但將來的事沒人知，更指會揀一個做到老公的才開始拍拖。
胡杏兒、李詩韻、王浩信、李思捷等昨日出席新劇《換樂無窮》試造型，此劇故事說及杏兒、詩韻陰差陽錯下於網絡世界掉轉身份。由於詩韻日前被本報影到與「高大版霍啟山」於夜店談心，二人更攬攬錫錫，所以，杏兒昨於活動上故意拿詩韻的新聞開玩笑，指最希望與她交換時間，可與男伴出街很開心，而湯盈盈亦拿自己男友錢嘉樂開玩笑，笑言希望與杏兒掉轉男朋友，盈盈笑謂：「雖然我嗰個年紀大啲，但係識功夫，又長啲……長氣啲。」
相識半年幾靚仔
問詩韻與男伴於夜店親熱，她解釋與對方只是好朋友，沒有攬攬錫錫，對方拖她的手，全因她穿了高踭鞋，故才拖她去搭的士，一顯紳士風度，問對方是否真命天子，她說：「我哋識咗半年，將來唔知，呢一刻大家只係朋友，佢唔係富家子，係一個好男仔、叻仔，都幾靚仔嘅！」問二人有否發展機會，她笑言：「呢一刻冇乜嘢係冇可能，（佢追緊你？）我唔知我嘅諗法同佢諗嘅有冇唔同，但未有一個係認定，諗住一認定就結婚，做到老公先拍拖，會揀得好小心。」
而杏兒坦言羨慕詩韻，她說：「女仔都要拍吓拖，識吓朋友，我啲時間淨係瞓覺、食嘢同拍戲。」說到黃宗澤，她又直言二人少時間見面，很希望有時間可以去旅行，不過工作已排到年尾。
文：影視組