高海寧搬霉舊居鬼祟出入

港姐出身的高海寧經常以34D最強「胸」器示人，人氣可謂有增無減，驚人吸金力贏盡不少無綫姐仔九條街。不過她除了供車供樓外，又要賺錢養家，加上父親突然惹官非，本來逐漸「升呢」的高海寧，最近便由月租兩萬多元的何文田九百呎私人樓，搬回與家人同住月租約萬零元、僅得五百多呎、位於旺角奶路臣街的一幢舊樓，希望藉此能減低開支。

高海寧與助手在商場閒逛，齋睇唔買。	為了慳錢，高海寧揀了消費最低的茶餐廳醫肚。	頭戴Cap帽的高海寧不想被人認出，頭耷耷混入人群中。

歎平價茶餐

搬回旺角後，高海寧每次進入寓所都格外鬼祟。日前下午，她工作後在一男子陪同下回旺角寓所，逗留約一小時又見她獨自從寓所步出，前往太子會合友人時非常低調，除了戴Cap帽及黑色粗框眼鏡外，更每行數步便回望後方，細看有否被傳媒跟蹤，一臉小心。

前日高海寧駕白色私家車返旺角寓所。

高海寧承認搬返旺角，不怕人流複雜。

另一日下午，高海寧在將軍澳出席活動後，與助手驅車到附近商場閒逛及食飯。為了盡快儲夠錢買舖位給家人改善生活質素，她除了站在櫥窗前望梅止渴，就連食飯都要揀一間消費最低的餐廳歎下午茶餐醫肚。

唔介意被跟

另外，昨日高海寧出席「第十三屆香港動漫電玩節」閉幕禮，問到由何文田搬返旺角一事，她說：「搬屋呢啲都唔係我決定，都係屋企人嘅意思。（怕唔怕旺角區太雜？）唔驚，我平時如果唔係做嘢都唔會出街，其實我唔介意畀記者跟，但真係唔想周圍講住喺邊，成日都有人喺樓下等。」

文：追蹤組