拉姑四哥冇份開P Rick Chin:要問霆鋒

張栢芝的化妝師好友Rick Chin早前表示由他負責籌辦Lucas的生日party,對為何沒有邀請四哥和拉姑出席,昨日他在電話中表示因近日忙於工作,故沒有時間搞:「我聽番嚟所知,Lucas個生日party係由霆鋒搞,所以點解冇請四哥同拉姑就要問番霆鋒喇。不過係咪真係霆鋒搞,或者搞唔搞就唔知,栢芝都冇同我提過。」

Rick Chin強調前晚並非開party:「係栢芝媽咪、家姐買咗個蛋糕嚟同Lucas切蛋糕慶祝,我咁啱做完嘢咪上去一齊慶祝。(有冇見到霆鋒?)冇,我留到夜晚八、九點左右先走,都冇見到佢。(Lucas開唔開心?)開心!小朋友生日又有禮物收梗係開心。」