祖兒山莊做gym畫番條眉
容祖兒昨日出席「兒童愛心馬拉松」活動時，直認前日曾現身陽明山莊，不過她並非被邀參加謝霆鋒兒子Lucas的生日派對，只是到會所做運動。問她可遇見傳在會所內傾離婚的鋒芝？祖兒笑言：「冇，如果撞到（面），可以一路做gym，一路慢慢傾。」
她說因鋒芝婚變鬧得熱烘烘，已減少到莊內做運動的次數，但近期「風聲冇咁緊」才密密上莊，直至前日看見大量記者守候，才醒起是Lucas生日的前夕，祖兒笑說：「做運動一向都唔化妝，為咗以靚樣上鏡，依家起碼畫番條眉。」
問祖兒可知狄波拉未被邀請出席Lucas的生日會而傷心？祖兒戥拉姑可憐說：「作為嫲嫲，想成日見到個孫都好正常，希望佢可以快啲見到個孫啦。」她又說除Lucas滿月及歲多時見過面後，一直再沒機會碰面。