謝賢勞氣唔參與阿仔家事
謝賢（四哥）昨日透過查小欣的電台節目，表示沒有收過任過電話、任何邀請出席孫仔Lucas的生日會。四哥承認很勞氣，因每日接十多個傳媒電話，令他很煩厭，他要透過電台向傳媒表示關於孫仔和兒子霆鋒的事，不要再打電話問他，兒子的家事他不想參與。
四哥說：「我有個一百歲嘅母親喺外國，唔可能關電話，傳媒嘅追問，我本嚟刀搶不入都被搞到『崩晒』。（有冇機會送生日禮物畀孫仔？）我冇節日觀念，自己生日都唔記得啦，何況只係小朋友生日！」之後查小欣稱四哥這次不是受訪，而是想表白和澄清，孫仔Lucas的生日party沒有被邀，而栢芝身邊朋友不斷放風，已令謝家造成不必要的騷擾。她又說：「烈女係咪要示範愛嘅反面就係恨，四哥從來都好撐栢芝，亦都好錫媽媽，霆鋒亦好錫嫲嫲，大家話送Lucas生日禮物，不如送四個字『以和為貴』啦。」
