Juno韓國稱帝 超儀爭番啖氣
影帝麥浚龍（Juno）從韓國凱旋回港，契爺陳自強為他舉行祝捷會，而電影出品人何超儀亦大讚Juno的演技，不明為何當日未能入圍金像獎角逐新人獎。
憑電影《復仇者之死》在《第15屆韓國富川國際奇幻電影節》榮獲影帝的Juno凱旋回港，昨日獲契爺陳自強設宴為他祝捷。《復》片導演黃精甫、出品人何超儀和陳子聰，以及導演關錦鵬亦有出席祝賀。
雙語致詞當贏兩次
麥浚龍坦言當晚在頒獎禮會場宣布一刻，因聽不懂韓語加上近視看不到字幕，當導演黃精甫歡呼一刻才得知奪獎，他說：「我用普通話致詞但現場無翻譯，我再用英文講一次，好似連得兩次影帝咁。」
Juno直言何超儀的公司是一個好兆頭，《維多利亞壹號》令何超儀奪得西班牙影后，自己則憑《復》片奪影帝。問到日後會否加片酬？身為Juno契爺兼電影公司合夥人的陳自強說：「依家唔係諗呢啲，佢需要更多機會，我哋公司成立冇耐就出咗位影帝，佢係福星。」
認定演技「一定得」
何超儀表示公司兩部電影均有佳績感到興奮，也替Juno獲影帝感到開心，她直言拍攝探班時已認定對方的專業，覺得他演技「一定得」，奈何當初為他報名金像獎時卻未能入圍，她說：「我哋係有同佢報名角逐新人獎，但唔知咩原因冇入圍，可能部戲太恐怖，好彩佢喺外地爭光，爭番一口氣。」
文：影視組