基仔拍32C索模又硬又濕
古巨基親自挑選32C警鐘胸模特兒Juliana S.擔任新歌MV女主角，一身白馬王子look的基仔與三點式的Juliana合照即時「硬晒軚」兼「濕晒」，記者多番要求女方「錫」男方，怕醜仔的基仔面紅紅：「唔好啦。」
古巨基前晚為新歌《爆了》拍攝MV，請來名模Jessica C.師妹Juliana S.任女主角，穿上三點式谷出32 Ｃ警鐘胸的Juliana風騷滿場飛，反觀基仔表現拘謹，身為基仔緋聞助手Lorraine全程「瞄實」，當記者舉機時，她即極速跑回化妝間。
目不斜視
記者要求基仔與Juliana合照，基仔將雙手放前兼不敢斜視，最後由女方做主動伸手搭其膊頭。
有人大叫基仔攬女方纖腰，怕醜的基仔即說：「我有手汗，唔好啦。（你好緊張放鬆啲？）你估我18、19歲咩。」記者要求即場做場「咀戲」，嚇得基仔耍手擰頭說：「唔好啦。」基仔大讚Juliana樣子甜美：「佢係我親自揀做女主角，個樣係咪好甜呢？好似公仔咁呀。」問到MV中會否有咀戲？基仔說：「拍落睇吓需唔需要啦。」
冇得偷食
對於近日多位無綫小生被踢爆與內地巨乳模特兒拍拖，經常到內地工作的基仔說：「我冇遇過。（名草有主？）唔係。」記者笑指他去到邊都有緋聞助手Lorraine陪伴好難「偷食」，基仔尷尬說：「啞了。」
採訪：音樂組