劉欣宜勸o靚模認清地盤
「E Cup Baby」劉欣宜昨日與王晶女兒王子涵（Ada）齊齊穿爛Tee亮相動漫節，孖妹除打鼓、舞龍珠助興外，更俯身派糖予動漫迷，大受歡迎。
對於o靚模橫行書展及動漫節，出身動漫節的劉欣宜不忘教導後輩：「我係動漫節出身嘅，返嚟好有親切感，依家好多o靚模，根本冇認清呢度係邊個嘅地盤，好心佢哋咪咁囂張！（唔妥邊個？）我覺得有人博出位囉！（識唔識Jeana？）當年同佢參加過模特兒比賽，我攞第二，佢攞第三，邊個係Loser，好明顯啦！」
同場的Ada因太投入派糖致「缽仔糕」外露，她說：「我21歲，仲好青春，但唔想只做模特兒，都想拍戲。（王晶反對你性感？）之前拍戲着泳衣都冇問題，爸爸冇反對我入呢行，但我想唔靠父蔭，不過背負名人後代個名始終有壓力，我最希望可以幫手扭轉o靚模負面形象。」