橫山美雪：我同o靚模冇得比
日本女星蒼井空收起性感攻港拍電影反應不俗，同是日本AV女優的橫山美雪（Miyuki）有意行這條攻港路，她將踩入香港演舞台劇；對於香港o靚模橫行，Miyuki笑言大家市場不同，各有各玩，但揚言會以性感姿態取悅宅男！
近期不少日本AV女優來港拍戲，最近橫山美雪亦有意轉型，她將於十一月來港演舞台劇，並計劃學普通話進軍內地市場，Miyuki這條攻港路不禁令人想到蒼井空，她直言與對方相識，不擔心會被人拿來比較︰「我會朝住佢嘅方向去行，大家識得，有一齊上過節目，不過大家冇傾過有關攻港嘅嘢！」
不放棄AV
對轉型充滿信心的Miyuki坦言不會因AV女優的身份而感到尷尬，問來港後會否收起性感？她說︰「唔係話唔性感，尺度睇情況而定，着泳衣當然冇問題，因為呢啲都係工作需要。」不過她強調來港後的工作性質與成人內容扯不上關係，又指暫不會放棄AV女優的工作︰「唔係好似嗰啲（AV）咁，不過做嘢時着得sexy其實冇問題。」
Miyuki表示不介意別人以「AV女優」來稱呼她，認為有人認識她已感到開心，問會否怕與o靚模比較？Miyuki說︰「我都有留意香港嘅o靚模，但大家市場唔同，冇得比囉，佢哋又唔會影響我，大家都係各有各做，都唔介意同佢哋比較。」
Profile
姓名︰橫山美雪
英名文︰Yokoyama Miyuki
三圍︰32、22、34.5
文︰專案組
攝︰吳文聰
髮型︰CO CHUNG@XENTER
化妝︰ANNIE CHAN PUI KA
場地︰Bling Pros