Lacee Lacey五缺一影足六粒鐘

女子組合Lacee Lacey日前為休閒服品牌拍攝廣告照，五位成員獨欠Wesley，原來她拍攝前一晚因身體不適入院，其經理人表示：「佢肌肉夾橫膈膜位發炎腫脹，呼吸出現困難，好彩冇大礙，但至少要休息兩個幾星期，暫時唔可以做太大動作。」幸客戶相當體諒，不介意Lacee Lacey五缺一。而成員Halen對今次拍攝大表興奮：「我第一次以組合身份拍廣告，雖然自己之前有拍過，但原來一班人開心好多，影咗六個鐘都唔覺攰！」她又透露有五位數字收入。此外，身材較其他成員輸蝕的Jun起初擔心自己穿上Deep V短裙唔夠睇頭，但出來感覺奇好，更愈拍愈放，即被Chloe及Yong取笑她身材冇「負擔」，做跳躍動作特別輕鬆！