蔡穎恩嘆小三唔易做
o靚模蔡穎恩（Evelyn）近來轉攻電影圈，從拍戲中體會到不同的愛情觀，令她感到三角關係對人傷害最深，坦言自己從未做過第三者，感情方面保持開心。
最近由模界躍入電影圈的Evelyn，與好友陳嘉寶（Anjaylia）一同接拍由葉念琛執導的新片《人約離婚後》，感激葉導給她機會之餘，更從對方的愛情觀中獲益良多，她說：「佢嘅故事好寫實，佢嘅愛情觀令我感同身受，最深刻係有第三者出現嘅感情，做第三者會畀人傷害，好唔開心。發現喺感情上有好多新角度，兩個人嗌交唔係純粹因為第三者，仲有好多原因會令感情亮紅燈。」
多學習增內在美
Evelyn如此感同身受，問到是否因為曾當「小三」？她即時否認：「冇試過，自己嘅感情好開心。」問到Evelyn是否全力進攻大銀幕，而放棄模特兒的老本行時？她說：「模特兒同拍電影會一齊做，好享受拍廣告，電影就係新嘗試，經驗尚淺，有好多學習嘅地方，之後仲會做電台特輯，同樣係要考演技。」
問到會否覺得內在美更重要？她說：「係，一直都吸收同學習，想學多啲，希望發掘唔一樣嘅自己。」
文：專案組
攝：劉智源
服裝：Snidel
化妝：Evelyn Ho
髮型：Zap@xenter
場地：Oyster 18