唐文龍內地起飛

藝人唐文龍四年前離開無綫，孤身到內地發展演藝事業，他坦言初期到內地發展，人生路不熟有點困難，但經一番努力終有點成績，拍了多部電視劇，他說：「初期當然人生路不熟，我當時一個朋友都無，依家啲內地朋友都係逐個逐個識返嚟，所以搵人仔唔係大家想像中咁易架！」剛簽了SKYKEE新經理人公司的他，一口氣接了多部電影，包括秦小珍執導、陳嘉上監製的電影《四大名捕》、葉偉文執導、林心如合演的電影《繡花鞋》（暫名），以及潘恒生執導的《紫宅》，稍後並將開拍《知了的夏天》，坦言獲得更多的電影經驗。至於與林心如合作，他表示對方相當友善：「第一次同佢合作，我哋喺蘇州拍攝，佢飾演我個弟婦，佢份人真係好nice又隨和，冇架子。」

不會放棄拍劇

唐文龍表示除了拍攝電影外，亦不會放棄拍內地劇，他說：「電影和電視係兩個唔同觀眾層面，要同時兼顧。」當年離開無綫，他自言是個人性格問題，希望挑戰自己向外闖事業，雖然已離開無綫，但他仍當無綫是他的恩師：「我2000年入無綫，我一日係無綫藝人，以後佢都係我恩師，TVB畀咗我好多經驗和鍛煉，我呢一世都唔會唔記得。我喺內地嘅知名度，有人起用我，極大部分係我之前無綫拍劇儲下來的。內地fans識我都係因為無綫啲劇。」問到感情生活，他笑言一切以工作為先：「其實我香港嘅朋友都結晒婚，我喺內地先叫剛起步，未到談婚論嫁階段，兩個人之間最重要係安全感。」

採訪：影視組

場地：Scirocco

服裝：Ed Hardy by Christian Audigier