林莉花5粒鐘變鬼妝
名模林莉昨日化身Lady鬼鬼，為《海洋公園十月全城哈囉喂》宣傳，而林莉所拍的廣告更會在香港及其他地區播放。經悉心打扮的她笑言：「希望帶出神秘、性感、火辣嘅感覺。不過都幾辛苦，每次化妝都要花四至五個鐘，同埋今日第一次戴淺藍色嘅大眼仔！」
問林莉本身怕不怕鬼？她笑言自己是哈佬喂fans，之前亦曾前來玩耍，最令她感驚嚇的地方是會有鬼突然跳出來嚇她。至於問到她會否約男生來玩？她反問記者：「點解係我約男仔？」接着又大爆自己於海洋公園的難忘經歷：「我同海洋公園好有緣，細個嗰時有男仔想同我有進一步發展，就約咗我嚟海洋公園，仲送咗一支玫瑰花畀我。都係我第一次收到嘅玫瑰，所以好難忘。（最後有冇一齊？）做好朋友。」