羅仲謙6P出巡雞同鴨講

向來愛騷胸的羅仲謙，昨日出席「wto more世貿中心．神級牛仔工匠山田晃譽工作坊」活動時雖「封胸」上陣，但其低V上衣的打扮不時露出事業線。之後工匠山田晃譽即場親自操刀，為同場的女子組合「Girls Kingdom」成員Juhee及Anna I 剪衫外，更在羅仲謙牛仔褲的膝頭位置剪裁。

搵女友唔睇國籍

羅仲謙對於以一王五后姿態出巡，笑言有點緊張，並有被寵幸之感，更說和同場的女模都是初次見面，因不諳日韓文故難以溝通。問到會否找日本女友以便快速學日文？他說︰「隨緣啦，國籍唔係問題，最重要溝通到。有諗過學日文，但係工作太忙同埋冇天分，我諗要用多人哋五倍時間。」他續說相信緣分，不知道愛情何時出現。當提到被工匠在膝頭位置剪布時，會否擔心錯手傷及「小謙謙」，羅仲謙笑說：「唔會，（小謙謙）都唔會去到膝頭咁低，我冇咁天生異稟！」

羅仲謙露出「事業線」，身形fit爆。

松岡李那表示會努力學好廣東話及國語，以便在港發展。

松岡李那讚靚仔

另外，和蔡恩真一起成為「Girls Kingdom」成員的松岡李那，即場獨自獻唱國語新歌《Follow Me》外。以廣東話「好靚仔」來大讚羅仲謙的松岡，直言不會要求男友操巨胸，她說︰「最重要係愛佢，其他嘢冇所謂。」被問到有人聽不明她唱國語歌時，她說：「我明白我首歌內容，我會加油，會學好廣東話及國語。」而發掘該組合的王友良則說暫未選定誰擔任隊長。

文：名人組