王菀之走出迷陣唱爆紅館
入行六年的唱作女歌手王菀之（Ivana），一度曾感到迷失，由於一直堅持自己的音樂理念，近年在樂壇炙手可熱，且即將進軍紅館開演唱會，惟她自嘲由於欠缺耐性，不會開班授徒。
王菀之向以唱作女歌手自居，近年在各大樂壇頒獎禮掃走不少唱作獎項，令她信心倍增，Ivana今年會在紅館舉行演唱會，她說：「我都幾以唱作人身份為榮，踏上紅館舞台好光榮，我會好好珍惜。（之前心急進軍紅館？）雖然有朋友都話我早兩年應該要開，但自己一路都唔心急，而且想準備好啲同吸收多啲舞台經驗先開。」問到除唱歌外，會否進軍影壇？Ivana說：「都想試，但又未到好熱衷，如果要拍第一套電影，就真係要揀部好嘅。」
堅持唱作成Icon
入行六年，Ivana不諱言曾有迷失日子，她說：「第一年出道後，第二、三年容易迷失，因為有好多唔同聲音，要聽唔同人意見，要分析過濾，當然自己要有音樂上的堅持。（諗過放棄？）咁又冇咁輕易放棄。（成為女唱作人Icon？）唔好咁講，大家畀面。」至於會否有意開班授徒？Ivana則自謙說：「唔會呀，因為我冇乜耐性教人，但間唔中都收到人哋Send畀我嘅Demo，其實好多人都有音樂才華。」
採訪：專案組
攝影：倪立煌
化妝：Milk Yuen
髮型：Kate Shek@Hair Culture
服裝：Ray Beams by I.T