龔嘉欣初嘗情慾戲咀到硬

龔嘉欣（Katy）演慣純情少女、乖巧小妹妹角色，化淡妝都可以出鏡，雖然角色沒多大變化，Katy表示沒有生厭之餘，更非常樂意，她說：「我唔會覺得悶，反而開心，因為自己仲可以做妹妹，而且我好享受，不論現實或拍劇時都係，因為個個都好照顧我。」

龔嘉欣指日後有機會希望做打女，更指自己身手好。

黃浩然與黃德斌拍戲時不時提點龔嘉欣。

不知所措

不過，最近難到Katy的是在劇集《拳王》，首次飾演狐狸精角色，分別挑逗黃浩然及黃德斌。她坦言：「我第一次拍激咀戲，咀咗幾次，真係硬晒軚，拍時我仲要一手推黃浩然落梳化，不過瞓落去時，我自然反應地用手肘頂住佢，浩然話正式時要挨落佢度，我真係有啲不知所措，好在正式拍時導演都讚效果理想。」之後，Katy又要挑逗黃德斌，她坦言拍前德斌已覺得她很驚，她說：「佢同我講，你一埋嚟扯起我件衫就得。」

想做打女

問拍後會否感到有趣味，Katy說：「新鮮囉！即刻覺得自己大個女咗，其實好多角色我都想試，我最想拍打戲，我想做打女，以前讀演藝時，都上過功夫堂，練氈子功，喺地氈上面打觔斗，蜈蚣彈，身手都OK架！」

文：影視組

攝：黃叔榮

場地：AN-TICO

化妝：Sammy Lam

髮型：Zap Tang@Xentre