MC Jin高唱人生 下一站老竇

MC Jin新碟選擇在8月8日推出具有特別意思，他說：「我第一隻廣東碟《ABC》係08年8月8日出，今次除咗自己發行，仲特登揀埋呢日出第二隻碟嚟紀念我喺呢三年經歷過嘅事，過程好Amazing㗎！」MC Jin指在港發展期間跟女友雙雙步入教堂，隨之而來便是積極製造小生命，坦言責任感倍升。

MC Jin創作《世紀婚禮》來冧老婆。	入行第三年的MC Jin，成功Rap爆香港樂壇。	MC Jin新碟惡搞香港人的身份證，上面標明自己是ABC。

港特色作賣點

今次MC Jin新碟設計成一張香港身份證，並取名《回香靖》，意指他由美國回流返港，而「身份證」號碼則解作是「Jesus」（耶穌），MC Jin表示：「到港個日期真係我由美國嚟香港落機當日，我就諗封面有咩可以代表我返嚟呢？重要係香港人人都有嘅嘢，咁一諗就諗到香港身份證喇！」MC Jin整張新碟的照片均選擇香港的旅遊景點進行拍攝，包括花園街、女人街及修頓球場等等，盡顯香港特色。

收錄求婚趣事

另外，MC Jin亦透露創作了一首《世紀婚禮》紀念自己的婚禮，他說：「首歌係婚後寫嘅，講番我嘅求婚感受，當中亦有段趣事，話說喺美國係興訂婚前跟對方爸爸講聲先，但我唔記得咁做，到嗰晚求完婚凌晨兩、三點先打長途電話同佢爸爸講，當時我哋兩個仲飲緊酒慶祝，真係好搞笑！」

問到太太聽到首歌是否冧爆？他甜笑謂：「佢第一次聽，我見到佢笑笑口，我諗佢都冧嘅！」

採訪：音樂組

攝影：劉智源

場地：都會海逸酒店