薛凱琪撐鄭融大愛無恨
鄭融被指因拒絕出席舊愛莊冬昕加盟Neway派對面臨雪藏，好友薛凱琪昨日出席活動出言力撐對方有愛心不會怨恨前度，至於身為大太子薛世恒女友的陳法拉就斬纜表示：「二少嘅嘢唔關我事！」
薛凱琪（Fiona）昨日現身護膚品牌專門店開幕，為配合產品來源地，特意穿上白裙化身希臘女神，而大會更安排兩名外籍大隻男模相伴，其中一位男模甚為靦覥，面對主持提問只笑而不語，問到Fiona是否嚇倒對方？她笑說：「我諗係佢本身性格怕羞，男仔怕羞好可愛。」Fiona表示未曾與外籍人拍拖，雖不抗拒，但以中國人為首選。
男仔鍾意有肉地
至於有傳其好友鄭融因拒絕出席前男友莊冬昕（Deal）加盟唱片公司Neway的畀面派對，有機會再次被雪藏，Fiona就言：「以我識嘅鄭融好有愛心，男、女都welcome，（嗰個係前男友喎？）真心覺得唔會，係任何人類啦，（又傳佢因為肥被雪藏？）一定要健康啫，依家男仔鍾意有啲肉！」
此外，陳法拉與徐子珊昨日出席網上平台舉行的活動，法拉自言玩微博玩上癮，但知道當中有傳媒留意，因此只發布有關工作的事，當日記作成長記載，身為Neway大太子薛世恒女友，問到法拉會否出席Party？她即斬釘截鐵說：「冇聽過，二少（諸葛紫岐男友薛嘉麟）嘅嘢唔關我事，完全唔了解，自己好少去Party。」
徐子珊榮升富婆
至於子珊榮升業主，問到她是否想當富婆？她說：「冇準則，人一世唔滿足好辛苦，依家都升咗三成，（放盤？）媽咪初初買都係想投資，但賣咗我又驚冇地方住。」
採訪：音樂組、影視組