趙碩之中頭獎收戰車

身材驕人的Wylie為慶祝寫真銷量不俗，昨日老闆林建名特別借出遊艇開船P搞祝捷會，不過，置身遊艇和陽光下，Wylie竟不肯穿比堅尼示人，大殺風景！

跳出香港宣傳

眾人在甲板上開香檳慶祝，惟飲得太快的Wylie幾乎噴酒，在拍照時不慎「中頭獎」撞到頭，Wylie痛得即時掩着，哭笑不得說：「隻遊艇都坐過幾次，係今次先撞到！」還作狀拍打船頂「報仇」，十分搞笑！

問到其寫真集銷量，Wylie表示知道賣得不錯，但自己沒有向公司問過實際銷量數字，而寫真集還會在美加及馬來西亞推出，雖然書展告一段落，但她還會繼續到外地宣傳。

慘「中頭獎」的Wylie哭笑不得。

大夥兒開香檳慶祝寫真大賣。

首選瑪莎拉蒂

講到日前「死敵」何佩瑜（Jeana）表示宣傳完寫真集，故要封胸變回「高貴」，Wylie不禁笑言：「咁要拭目以待！咁佢咁靚女，高貴都幾好睇嘅。」Wylie自爆老闆林建名會送車給她作賀禮，不過，未有駕駛執照的她表示會趕緊學車，以免得物無所用。問到心水Dream Car？Wylie笑言：「瑪莎拉蒂啦，林生不嬲好錫我哋，不過車都係用嚟代步，又唔使去到咁戰鬥格，舒適就得嘞！」

文：音樂組