高海寧努力賺錢買舖贈家人
高海寧昨日穿低胸裙現身《黃埔新天地．少年魔神幻法舞台》，與來自德國的魔術家庭合演「極速變裝」魔術。高海寧說：「男仔識魔術，我會加分。（想學李蘊有魔術師男友？）唔使去到魔術師。」有報道指高海寧「賣肉養家」，她說：「我好擔心家人，件事交律師處理。我只係畀心機做嘢，我都希望幫到屋企人，唔使喺咁熱嘅環境工作。」
此外，高海寧出席另一活動時透露爸爸的案件已進入司法程序，雙親都繼續開舖維持生活。問到可有安慰父親？她說：「反而佢安慰番我，因為佢見我為件事都好忙。（有壓力？）不嬲都努力工作，最終目的都係想買個舖位畀佢哋，等佢哋唔使再擺街邊檔。」