婷婷恨見Lucas攬實唔放
謝婷婷前晚出席活動，問到姪仔Lucas的生日慶祝安排時，她表示仍未收到消息，目前仍在等通知，但很希望可以跟姪仔慶祝生日。她透露很久沒有見Lucas，若見到對方必定會緊緊攬實。
婷婷前晚以壓軸嘉賓身份出席Swarovski推出首個Hello Kitty系列發布酒會，身穿低胸裝的婷婷性感迷人。當晚的嘉賓還有陳嘉桓、蔣怡、何紫綸（Ann）、陳嘉寶和蔡穎恩等，而莊思敏與Alice B.就擔任模特兒展示最新系列。
「暗示畀哥哥聽」
早前張栢芝的化妝師Rick Chin表示栢芝會為兒子Lucas八月二日牛一舉行生日派對，還會邀請謝賢和狄波拉參加。問到身為姑姐的婷婷可會跟Lucas一起慶祝生日？她說：「希望啦，未收到呢個消息。我好耐冇見過佢，同埋都好耐冇同佢慶祝過生日。前年有一齊慶祝，但上年我要拍戲所以冇喺正日慶祝，我同爹哋媽咪一齊同佢補祝。如果八月二日唔可以一齊過就補祝，我已在加拿大買咗支玩具槍畀佢做禮物。」
問到拉姑有否收到栢芝方面通知？婷婷謂：「唔清楚，我哋都等緊消息。我會暗示畀哥哥聽。（你可以公開講。）姑姐好想同Lucas慶祝生日。我真係好掛住Lucas，已經兩、三個月冇見佢，見到佢我會攬到佢好實，不過會忍住喊，因為Lucas係成日笑嘅。」她笑言要恐嚇哥哥讓她跟Lucas見面，並指哥哥近日心情已比前輕鬆。
何紫綸邀栢芝寫序
同場的張豪龍前女友Ann透露，十月會為香港乳癌基金出一本相集，會背部全裸，還邀得栢芝寫序。她說：「栢芝應承咗，佢對慈善愛心嘅嘢好支持，佢心情好開心。（佢會同Lucas慶祝生日？）生日一定會慶祝。栢芝最近開始畫畫，我想佢幫我畫啲畫喺相集度，不過都係初步傾，我哋對上一次講電話已經係半個月前。」
文：名人組