富豪趙世曾與女友Lena、「鋼琴公主」孫穎與「音樂大師」劉詩昆等，前晚欣賞《玫瑰與蝴蝶》音樂會。趙世曾攜同曬得一身健康膚色的女友到場，他笑言：「我哋啱啱去咗三亞旅行，兩個人去游水。（去咗幾日？）五日。（鍾意女仔皮膚黑定白？）乜都得，黑就有健康美。（之後仲會唔會去旅行？）依家去邊度都咁方便，我哋返嚟嗰陣，仲臨時決定去埋桂林，所以遲咗一日返。」
