楊政龍謙認二打六唔敢追星
城中富二代的楊受成兒子楊政龍作風向來低調，昨日為撐胞姊楊諾思，現身珠寶發布會。被視為公司接班人的他，透露現正幫忙打理家族生意，更以「二打六」形容自己！言詞如此謙厚，果然虎父無犬子！
英皇鐘錶珠寶董事總經理楊諾思昨日舉辦由她親自設計的《英皇珠寶全新「Yo Yo」系列發布會》，弟弟楊政龍（Alex）、兒子張高銘（Justin）亦到場支持。而不少城中富二代如「玩具大王」蔡志明一對子女蔡加讚與蔡加怡、林建名兒子林孝信等等亦現身撐場。
態度謙厚具大將風
被視為公司接班人的Alex，現任英皇集團企業行政主任，向來低調，昨日罕有開腔，透露現正在家族的公司幫忙，吸取工作經驗。問到他在公司負責甚麼職務？他謙稱：「我喺公司係做二打六，咩都做。自己畢咗業兩年，入去學吓嘢。（主力負責地產？）上年咁啱公司有三個樓盤推出。其實公司有邊樣嘢active，我就要幫手。」他表示自己讀商科出身，故對珠寶沒有研究。訪問期間，全程態度謙厚甚有大將之風。問到他的感情狀況？他亦應對得宜，笑言：「等你介紹囉！（擇偶條件？）係女仔。（會唔會想同藝人拍拖？）我估高攀唔起。」
系列專為情侶而設
而楊諾思則透露此首飾系列代表心動感覺，專為情侶而設。問到為何弟弟楊其龍不到來支持？她笑言：「佢唔喺香港，如果佢喺度，一定會叫佢嚟。其實今日嘅場地係佢嘅，都有收我錢，係優惠價。」而她的兒子Justin則透露自己對電影抱濃厚興趣。
文：名人組