Rainbow拖女激流濕身慶功
冬甩在今年寫真戰成績不俗，為了紓緩緊張心情，Rainbow（胡心諾）率領三位師妹到海洋公園玩激流，當中以Ice最為膽大，即使冒着濕身的危險，也要連玩三次，搞到滿身上下齊濕。
隨着書展結束，o靚模寫真戰亦告一段落。雖然有Jeana、DaDa、趙碩之等勁敵，但埋單結算，冬甩賣書成績不俗，殺出一條血路。但書展期間，冬甩一眾成員難免緊張，身為首領的Rainbow為紓減師妹壓力，所以帶領Alina、Ice和Elke到海洋公園玩個癲，順道當慶功。
四女除了對主題公園的熱帶生物有興趣外，重點出擊「熱帶激流」，未上船前，眾女以為小兒科，連打底衫褲都冇着，殊不知衝擊異常大之餘，更被人為因素惡搞，結果四女全身濕透而回。
Ice玩幾轉
在露天的情況下，周遭遊人可用固定水槍對準目標掃射，加上激流上下顛簸，四女玩完一轉而濕透Bra。當Rainbow玩完一轉後即嗌怕怕，但Ice卻膽粗粗玩多兩轉，最後搞到上下濕透離場，狼狽不堪。
Rainbow說：「真係好驚，又畀人射喎，真係好慘。不過咁都好，可以為寫真戰減壓！」而Ice則說：「我就唔驚喇！濕咪濕囉，最緊要好玩！」
文：專案組
場地：海洋公園