Kelly爆囝囝碌地跳Hip Hop
陳慧琳（Kelly）囝囝劉昇（蝦餃仔）兩歲就非常醒目，早前Kelly一家去沖繩享受陽光與海灘，唯獨蝦餃仔識得於太陽傘下遮太陽，逃過曬傷一劫。另外Kelly現在充當囝囝老師，教他唱歌跳舞，Kelly更大爆囝囝識跳Hip Hop！
國際品牌LOEWE昨於海港城海洋中心舉行分店重新開幕儀式，並邀得Kelly、Amanda S.、Ana R.等出席。於內地甚受歡迎的Kelly於尖沙咀曝光，即引來大批市民圍觀，當中大部分都是自由行人士，令商場水洩不通。
一家遊沖繩
怕中暑的Kelly未有趁暑假帶囝囝出街玩，但早前就一家人到沖繩享受陽光與海灘，她說：「我哋個個都曬傷晒，係囝囝無，因為佢好醒咁匿喺太陽傘下面。（幫佢搵緊幼稚園？）都係，依家自己做住Playgroup老師先，教佢唱歌跳舞，佢仲喺地度碌以為自己識跳Hip Hop。」表達能力欠佳的蝦餃仔更搞笑地手指指及用認字卡去表達自己的意思。不過Kelly就坦言囝囝至緊要聽話。
籌備廣東碟
而三年未有推出廣東專輯的Kelly，正籌備婚後首張廣東碟，希望今年內可以推出。對於到時可能要離港宣傳離開蝦餃仔，Kelly表示唱片宣傳只需幾日，應該無問題。問到有關高鐵意外一事，她說不能擔心太多，並要求當局徹查，預防同樣事件再發生。文：影視組