周麗淇撩仔吹水抗睡魔

周麗淇（Niki）、傅穎、黃伊汶及樂壇新人朱紫嬈昨日現身海港城，出席由香港鐘錶業總會主辦的「Time in Vogue瑰麗永恆腕錶展」揭幕禮。

剛由北京返港的Niki，昨晚又要上廣州出席活動。對於溫州發生高鐵慘劇，問她會否唔搭高鐵？Niki坦言：「真係好難避免，件事好慘，大家都唔想發生。今晚坐保母車上廣州，我都擔心安危，會同司機傾偈，減低意外發生。」

左起：黃伊汶、朱紫嬈、傅穎及周麗淇盛裝出席揭幕禮。

傅穎笑言若被o靚模挑釁，會選擇避開。

頻頻北上搵銀的Niki坦言曾被高人批她辛苦命，問有否指點姻緣？她說：「佢話好好，仲話我會遲婚，我唔擔心，好享受依家嘅生活。」Niki笑言會認命努力工作。再問會否貼錢包養男友？她笑謂：「有得貼證明我有能力。」

傅穎冇被挑釁

此外，對於寸嘴o靚模Jeana自稱寫真集最好賣兼四圍辣火頭，有份出書的傅穎直指對方是為宣傳，亦慶幸自己不是o靚模。記者笑她如果是o靚模應承受不到Jeana挑釁，傅穎說：「接唔到惟有避囉，波打埋嚟唔一定要接，何況個波咁大。（假波唔接？）每個人質感唔同。（硬膠質感？）唔知。」

而穿上連身短裙的黃伊汶透露做手錶生意好過在娛圈發展：「好快就賺到人生第一桶大金，慢慢就會變小富婆。」問到是否可以養起緋聞男友陳國坤？她說：「人哋賺錢多過我。」

文：音樂組