Jeana再辣火頭：介紹迷你倉

寫真戰前日隨着書展落幕，Jeana、Hidy與工作人員及粉絲夜晚在旺角食火鍋慶功，日間封胸的Jeana再度解放穿上tube dress谷胸，甫到場即拎出一張寫着「忘記背後，努力面前，加油！」的慰問卡，揚言要化解與「死敵」的恩怨：「知大家好攰，天口熱大家又慶，真係有少少心意送畀大家，我知自己嚟緊條路好難行！」

寸爆一齊驗胸

Hidy亦拎起「打狗棒」扑Jeana，她笑說：「幫大家懲罰佢，連日來太過分啦，要叫佢收聲！」雖然兩女交足戲，但Jeana轉頭又寸嘴表示自己有相熟迷你倉：「如果啲人有嘢賣唔晒，可以問我攞半價優惠存倉。」擺明寸眾模寫真銷量不敵她，繼續辣火頭！

對於趙碩之嫌其寫真只賣一蚊不值交換，Jeana指是誤會一場：「之前宣傳，只係百五本賣一蚊，唔緊要，希望佢接受張卡後專心工作，河水不犯井水，好開心連日咁多姊妹每日提住我囉！」提到陳靜師妹Iris及Monna提議她驗胸證真偽，她寸爆回應：「搵日一齊驗囉，叫佢畀個折我，佢驗開嘛！」兩人透露將出ＤＶＤ合輯，會有未曝光寫真花絮。

碩之遊艇祝捷

此外，碩之今日將上老闆遊艇為寫真慶功，自言雖不着泳衣但會性感上陣，也不擔心被Jeana指抄橋，她說：「遊艇係公司嘅，三年前出寫真都上過遊艇影，有感情。」而陳靜待寫真出書一個月後才搞慶功，她說分紅理想，夠去日本掃貨。