甄子丹遭報復變花面貓

國際武打巨星甄子丹前晚聯同內地演員湯唯、日籍台星金城武、台灣打星王羽、影后惠英紅及導演陳可辛，乘坐名貴跑車到場出席電影《武俠》首映禮。適逢昨日（27日）是子丹的生日，大會安排生日蛋糕為他祝壽。

願望國泰民安

子丹坦言生日願望是「國泰民安、少啲災難、多啲歡樂、多啲責任」。他直言只能在會場多逗留五分鐘，之後便要趕往機場乘機到洛杉磯，會合太太和家人慶祝。他說：「因為時差嘅關係，去到當地仲係我生日。」

湯唯氣質獨特，甚得眾導演欣賞。

剛中風的王羽左手綁上繃帶，由女兒王馨平（左）及小紅陪伴入場。

早前中風的王羽需要女兒王馨平陪同到場，雖然台上他行動有點不便，左手更綁上繃帶，但亦不忘大放笑彈。他說：「子丹要趕飛機係部分原因，主要原因係佢唔敢入場睇戲。戲中佢打到我好慘，我仲八個月後中埋風，好犀利。如果套戲收得，我三個月後拍續集再同佢打過。」他更「大唔透」將蛋糕的忌廉先後塗在子丹、湯唯及小紅等臉上，場面搞笑。

小紅打多十年

另外，穿露背裝的小紅透露與子丹合作是最值得回憶的一件事：「佢初頭同我講話我仲可以打多十年，當時有啲唔開心，但拍完我要多謝佢。」而陳可辛表示欣賞湯唯的獨特氣質，故找她演出。萬人迷金城武魅力不減，到場影迷為他歡呼，其手上則未見戴有戒指。

文：影視組