方力申鄧麗欣被斟過檔

Neway銳意在樂壇大展拳腳，成立娛樂王國網羅偶像和實力派歌手，據知矛頭直指打大風的金牌大風旗下藝人鄧麗欣、方力申和側田，本報收到消息，金牌大風又發生大地震，上至高層下至歌手均掀逃亡潮。

繼金牌前老闆鄭東漢、高層黃柏高（Paco）離去，吳雨霏宣布加盟環球，據知，現職金牌CEO的陳輝虹亦計劃另謀高就，音樂總監雷頌德更早一步引退，消息指除小方、鄧麗欣和側田被Neway挖角外，RubberBand會過檔做何韻詩師弟，金牌只餘下梁漢文、張繼聰和小肥充撐場面。

本報向陳輝虹求證，他承認上月已遞辭職信：「自己做咗咁多年，鄭生離開咗，Paco又走咗，自己都係時候走。」問小方、Stephy、RB、側田是否不續約？他說：「傾緊續約，未落實。」另問到Neway是否簽小方、側田和鄧麗欣？高層黃先生默認說：「有潛質嘅歌手一定極力羅致。」