黎諾懿楊怡齋食冇愛

黎諾懿、吳卓羲、黃德斌、陳茵媺、李亞男等昨日在酷熱天氣下為新劇《ATF反恐》拍攝爆破場面外景。黎諾懿對於有報道指他被楊怡包養，他否認說：「我同楊怡只係好朋友，我成日上佢屋企食飯，同佢媽咪好熟，好似一家人咁，唔係情侶關係，男同女唔一定要拍拖啫！（話你踢拖食早餐？）有冇相？都唔係真，上去食飯就有，我亦都冇住客證，係楊怡叫人開閘畀我，話我哋共用車位，其實係楊怡部車整緊，個位吉咗泊住先。（有冇發展可能？）好難答實，但工作行先，緣分又未到。（楊媽媽想你追楊怡？）冇喎，只係叫我上去食飯、飲湯。」

開火狂鬧羅仲謙

至於近期則忙於拍攝新劇《On Call 36小時》的楊怡，日前晚上她與羅仲謙到西貢海邊拍攝外景，講述二人嗌大交，鬧得七情上面，吸引不少街坊圍觀。

鏡頭後二人又笑騎騎向記者打招呼。

黎諾懿承認經常到楊怡家黐餐。

對於有指她包養黎諾懿，楊怡昨日在電話回應則說：「話我包養，有冇搞錯呀！我何德何能？同佢係好朋友，唔係你哋諗到咁。」問到可有發展機會？楊怡和黎諾懿則口脗一致說：「將來嘅嘢將來至算，到時話你知。」

陳茵媺展現甜美笑容。	《ATF反恐》眾演員昨日冒熱開工。	吳卓羲的愛驅被爆破粉沫噴中。

吳卓羲愛驅中招

此外，吳卓羲停在拍攝現場的愛車，慘遭爆破時噴出的白色粉沫噴中，他說：「黑車變白色車，唔係白車！之前拍呢個劇未拜神，我左膝十字韌帶撕裂，不過唔斷都唔做手術，因為要抖兩、三個月。（張馨予有冇慰問？）有，好多朋友都有慰問。」李亞男則展示受傷右手，她表示是買水時仆倒。

採訪：影視組、追蹤組