陳松伶疊埋心水老公養

近年轉戰內地發展的陳松伶（松松）於07年在內地拍劇時，與比她年輕八年的張鐸撻着，期間曾有指陳松伶因感情出現問題而離家出走，然而風浪過後，曾傳出二人在西班牙註冊結婚，松松更在農曆新年到哈爾濱男友家鄉「見家長」。

久未在港露面的松松昨日到灣仔書展出席活動兼陪老公逛書展，晚上又一起到紅館睇張達明棟篤笑。她接受電話訪問時承認已婚：「今日同先生去書展睇書，已經結咗婚進入人生另一階段，老公係好好先生，依家好幸福，好滿足依家嘅家庭生活。」

已成為幸福「張師奶」的松松明顯發福，問到她結婚多久，松松說：「都係好短日子啫，喺內地註冊，未擺酒，喺適當嘅時候都會喺香港擺酒。」問到松松與老公可有「造人」大計？她說：「暫時唔會住，休養吓先。」

無意回港拍劇

松松婚後亦一派出嫁從夫的語氣，講到會否回港拍劇，她說：「依家係全職主婦，呢份先係我嘅職業，老公畀嘅話都會拍嘅，佢唔想我太辛苦，擔心我身體應付唔到，老公話佢會負責養我，依家好滿足。」

採訪：影視組