Jeana 8萬一晚捽走娜姐
周秀娜兩年前靠寫真響朵，如今鳴金收咪跳身DJ界捽碟，一粒鐘便捽出15萬元。同門的Jeana見師姐捽碟變錢勁過玩魔術，原來出寫真只是掛羊頭賣狗肉，實際上喪接中、港狂野派對捽金，寸嘴的她還豪言拉娜姐出DJ界：「叫佢退休啦！」
寫真戰今日去到尾聲，宇宙最寸嘴o靚模何佩瑜（Jeana）憑血管胸殺出一條血路。不過，Jeana醉翁之意不在酒，漸有名氣的她見娜姐捽碟搵錢之快，如玩魔術變出來，有師姐成功個案珠玉在前，Jeana立志闖入DJ界搵真銀，更豪語要趕走娜姐，登上首席女DJ之位。
周秀娜兩年前靠寫真起家，隨即一炮而紅成為寫真女王，雖然寫真確實搵到食，但真正搵錢的是做DJ打碟。據知，如今娜姐的捽碟價已達神級，香港和內地劃一實收15萬一場，娜姐上半年幾近失蹤，原來是已走遍神州大江南北夜場，20場埋單結算賺300萬。
娜姐：練多兩年先啦
據知情人士指，Jeana出寫真只是掛羊頭賣狗肉，實際上是拿知名度打入夜場捽碟。據知，Jeana內地捽碟價已升至8萬，香港則收6萬，而每場打碟時間僅現身一小時，騷前已把酬金袋袋平安，相比拍寫真上天落地、趴地Chok甫等高難度動作，做DJ則有冷氣歎，這些快錢認真易搵。而Jeana好姊妹余曉彤（Hidy）也朝DJ界發展，據知她內地捽碟價亦跳升至5萬。
好勝Jeana甚麼也喜歡爭一餐，冇大冇細的她見自己勢頭不俗，還叫娜姐快點退休：「佢掛住拍戲，都冇咁多時間啦，佢都係早啲退休，快快退出DJ界，反正佢都冇時間啦，留番佢嗰份畀我！」近日DJ界興起由娜姐發起的「DJ女盟」，Jeana竟大膽叫師姐退位讓賢，拉埋Hidy建立黨羽，拉娜姐下台：「佢成日話自己首席女DJ，又經常隱形，佢係時候退落嚟喇，我9月會去澳洲打碟，做埋佢嗰份！」
對於Jeana誓言打壓周秀娜，娜姐在電話沒好氣說：「佢得嗰一年貨仔咁大把，練多兩年先講啦，我可以朝早拍戲，夜晚捽碟！」而Jeana的死敵陳靜卻寸Jeana捽碟好難撈：「吓？打碟咁辛苦，我做內地騷企棟棟都搵到啦！」
執屠模刀動漫再鬥
書展今日正式閉幕，但Jeana、冬甩、許穎、「爆E超蓮」Iris、「混血E神」Monna及「E Cup教主」鄧伊玲等一班o靚模再在本周五的動漫節繼續鬥過，以性感cosplay造型踩入動漫，Jeana更應網上遊戲商邀請以女媧造型入動漫宣傳，谷行33C「不倒胸」及打造一把「屠模刀」，Jeana說︰「佢哋特登做咗把屠模刀畀我，我可以喺書展度斬啲邪魔妖怪！（許穎被禁入動漫，會否擔心遭同一命運？）冇收到通知唔畀入，通常係啲知名人士先唔畀，唔覺得佢係，佢入唔到咪帶佢入囉！」
文：專案組