Ana R.唔敢睇火辣寫真
【陳嘉敏澳門直擊】Ana R.前晚為假澳門舉行的The Glamour Goddess Fashion Show 2011行壓軸。她大讚當地的Spa及賭場不俗，但自認沒有賭運，所以每次賭錢也以五千元為上限，她笑言：「我雖然冇賭運，但坐我旁邊嘅人就會好好運，所以朋友都會叫我坐喺隔籬陪佢哋。」而Ana也有留意近日的o靚模寫真，並指部分質素不俗，例如Hidy余曉彤，並非只靠騷胸，但對於有些性感過火的寫真，她直言會避之則吉：「我覺得好尷尬，唔敢睇，但我見好多男仔喺港鐵當眾睇。我都有興趣出寫真，但從來冇人話幫我出，咁當然一定要係有藝術性。」
同場的甄詠珊表示有睇o靚模出嘅寫真：「其實有啲都影得好靚，好似李蘊咁，但某位真係世風日下，聽到佢講嘅嘢好心痛，覺得佢個人變咗，但係唔會勸對方。」據知甄詠珊跟許穎曾是好姊妹，未知今次是否因對方的露毛寫真及出位言行有感而發。
